في تحدي رائع ومبهر من عاصم إمام الذي استطاع إنقاص وزنه من 137 كيلو الى 88 كيلو فقط فى 9 شهور ..أي حوالي 50 كيلو يروي عاصم قصته ويعطي بعض النصائح للراغبين في خفض أوزانهم :
يقوم عاصم :
ايوة ايوة الي انت شايفة حقيقي، دي صورتي تحدي من التحديات الي انجزتها في حياتي وقلت اشاركة معاكم، من ١٣٧ كيلو لحد ٨٨ في خلال ٩ شهور يعني حوالي ٥٠ كيلو،
التحدي الاكبر مش اني كنت اخس، ولكن اني احافظ علي وزني دة لمدة داخلة علي ٤ سنين دلوقتي, مش هقدر احكليكم كل حاجة بالتفصيل الممل في بوست واحد ولكن هحاول اكتب بعض النقط والنصايح الي ممكن يجاوبوا علي تساؤلات كتير.
اليكم التالي :
١- الرحلة صعبة ؟ آة صعبة ... ممتعة ؟ جدا
٢- عملت اية بالظبط ؟ ببساطة ظبط اكلي جدا ولعبت رياضة،
برغم اقتناعي الشديد بفكرة التمهْل والواحدة واحدة ولكن انا بميل أكتر لنظرية ان النتائج هي أفضل طريقة للتشجيع علي الاستمرار وكل ما كبرت النتائج كلما زاد الحماس والاستمرار، ولذلك انا قللت اكلي من غير ما اطبطب علي نفسي، باكل ٣ وجبات في اليوم وبينهم فاكهة وزي الفل لكن ما بخرفش وكل واحد عارف الأكل الصح من الغلط من غير رغي كتير.
٣- الرحلة معتمدة بشكل مخيف علي الجانب السيكولوجي، هيكون في حرب دموية دائمة وخناقات بينك وبين عقلك.. هيقولك انك جعان، انت تقولة لا.. هيقولك تعبان انت تقولة لا... وانت بتجري هيقولك هتموت، انت تقولة اموت وانا باجري حاجة كويسة مش وحشة وهكذا، بالمعني الحرفي "ماتسيبلوش فرصة يتلكك وعاند مع أمة".
٤- "ماتعتمدش علي حد في اي حاجة" - يعني اية ؟ يعني انت نفسيا علي سبيل المثال لما بتربط نفسك بصاحبك الي بيروح معاك الجيم.. غصب عن الي خلفوك لما صاحبك هيبدأ يخستع انت كمان هتكسل ومع الوقت مش هتروح "بكل بساطة" وقيس علي دة بقي حاجات كتير.
٥- "الي بيطلع في الاسانسير بينزل في الاسانسير" - بمعني ؟ يعني ماتتسرعش... هتلاقي خمسين واحد حواليك عمالين يزنو عليك بالمش عارف ايه الي لو خدتة هيعمل اية، والحبشتكنات الي تعملها اول ماتصحي تلاقي ٣ كيلو بيتشقلبو قصادك. استهدي بالله كدة،
ببساطة هقولك، لو عملت الصعب، اي حاجة بعد كدة هتكون سهلة، انا معنديش مشكلة انك تاخد حاجة فيوم من الايام، ولكن اعمل انجاز الاول يخليك ساعتها لما تاخد حاجة يكون ليها تأثير.
٦- بعد ماتوصل لنتيجة مُرضية ليك، ممكن تبدأ تلعب لعبة الOne Day Cheating وهي ببساطة اننت طول الاسبوع كل ما تعجبك اكلة او حاجة حلوة انت شايف انها هتضُرك اكتبها في ورقة، وتعالي اخر الاسبوع في اليوم إياة في خلال ٦ ساعات اخربها الفكرة في الموضوع اننت هتلاقي نفسك غصب عنك بتختار كام حاجة بس من الحاجات الي كاتبها لانك مش هتقدر تاكل كل حاجة.
٧- أول ما تبدا تقرب من وزنك بيبدا يقل جدا معدل نزولك تدريجيا، ساعتها ماتركزش قوي مع ميزانك لو بتنزل جيم، ركز أكتر مع لبسك لان كثافة العضلة اعلي من كثافة الدهون.
٨- اقرا ع النت من مواقع موثوقة، واعرف معلومات اكتر عن جسمك وعن الاكل وانواعة وفوايدة وماتعتمدش علي دكاترة بس وكلام الناس الي حواليك.
٩- اشرب مية، اشرب مية، اشرب مية
١٠- كل فاكهه وحضار، كل فاكهه وخضار، كل فاكهه وخضار
أخيرا، دة واحد من التحديات الي لو قدرت عليها هينعكس علي حاجات كتير في شخصيتك، تأكد ساعتها انك تقدر تفتح صدرك لأي تحدي تاني في حياتك وتعدية.
ما رأيك في تجربة عاصم ؟ هل تفكر فى بدء تطبيق خطة مثلها لإنقاص وزنك؟؟
في تحدي رائع ومبهر من عاصم إمام الذي استطاع إنقاص وزنه من 137 كيلو الى 88 كيلو فقط فى 9 شهور ..أي حوالي 50 كيلو يروي عاصم قصته ويعطي بعض النصائح للراغبين في خفض أوزانهم :
يقوم عاصم :
ايوة ايوة الي انت شايفة حقيقي، دي صورتي تحدي من التحديات الي انجزتها في حياتي وقلت اشاركة معاكم، من ١٣٧ كيلو لحد ٨٨ في خلال ٩ شهور يعني حوالي ٥٠ كيلو،
التحدي الاكبر مش اني كنت اخس، ولكن اني احافظ علي وزني دة لمدة داخلة علي ٤ سنين دلوقتي, مش هقدر احكليكم كل حاجة بالتفصيل الممل في بوست واحد ولكن هحاول اكتب بعض النقط والنصايح الي ممكن يجاوبوا علي تساؤلات كتير.
اليكم التالي :
١- الرحلة صعبة ؟ آة صعبة ... ممتعة ؟ جدا
٢- عملت اية بالظبط ؟ ببساطة ظبط اكلي جدا ولعبت رياضة،
برغم اقتناعي الشديد بفكرة التمهْل والواحدة واحدة ولكن انا بميل أكتر لنظرية ان النتائج هي أفضل طريقة للتشجيع علي الاستمرار وكل ما كبرت النتائج كلما زاد الحماس والاستمرار، ولذلك انا قللت اكلي من غير ما اطبطب علي نفسي، باكل ٣ وجبات في اليوم وبينهم فاكهة وزي الفل لكن ما بخرفش وكل واحد عارف الأكل الصح من الغلط من غير رغي كتير.
٣- الرحلة معتمدة بشكل مخيف علي الجانب السيكولوجي، هيكون في حرب دموية دائمة وخناقات بينك وبين عقلك.. هيقولك انك جعان، انت تقولة لا.. هيقولك تعبان انت تقولة لا... وانت بتجري هيقولك هتموت، انت تقولة اموت وانا باجري حاجة كويسة مش وحشة وهكذا، بالمعني الحرفي "ماتسيبلوش فرصة يتلكك وعاند مع أمة".
٤- "ماتعتمدش علي حد في اي حاجة" - يعني اية ؟ يعني انت نفسيا علي سبيل المثال لما بتربط نفسك بصاحبك الي بيروح معاك الجيم.. غصب عن الي خلفوك لما صاحبك هيبدأ يخستع انت كمان هتكسل ومع الوقت مش هتروح "بكل بساطة" وقيس علي دة بقي حاجات كتير.
٥- "الي بيطلع في الاسانسير بينزل في الاسانسير" - بمعني ؟ يعني ماتتسرعش... هتلاقي خمسين واحد حواليك عمالين يزنو عليك بالمش عارف ايه الي لو خدتة هيعمل اية، والحبشتكنات الي تعملها اول ماتصحي تلاقي ٣ كيلو بيتشقلبو قصادك. استهدي بالله كدة،
ببساطة هقولك، لو عملت الصعب، اي حاجة بعد كدة هتكون سهلة، انا معنديش مشكلة انك تاخد حاجة فيوم من الايام، ولكن اعمل انجاز الاول يخليك ساعتها لما تاخد حاجة يكون ليها تأثير.
٦- بعد ماتوصل لنتيجة مُرضية ليك، ممكن تبدأ تلعب لعبة الOne Day Cheating وهي ببساطة اننت طول الاسبوع كل ما تعجبك اكلة او حاجة حلوة انت شايف انها هتضُرك اكتبها في ورقة، وتعالي اخر الاسبوع في اليوم إياة في خلال ٦ ساعات اخربها الفكرة في الموضوع اننت هتلاقي نفسك غصب عنك بتختار كام حاجة بس من الحاجات الي كاتبها لانك مش هتقدر تاكل كل حاجة.
٧- أول ما تبدا تقرب من وزنك بيبدا يقل جدا معدل نزولك تدريجيا، ساعتها ماتركزش قوي مع ميزانك لو بتنزل جيم، ركز أكتر مع لبسك لان كثافة العضلة اعلي من كثافة الدهون.
٨- اقرا ع النت من مواقع موثوقة، واعرف معلومات اكتر عن جسمك وعن الاكل وانواعة وفوايدة وماتعتمدش علي دكاترة بس وكلام الناس الي حواليك.
٩- اشرب مية، اشرب مية، اشرب مية
١٠- كل فاكهه وحضار، كل فاكهه وخضار، كل فاكهه وخضار
أخيرا، دة واحد من التحديات الي لو قدرت عليها هينعكس علي حاجات كتير في شخصيتك، تأكد ساعتها انك تقدر تفتح صدرك لأي تحدي تاني في حياتك وتعدية.
ما رأيك في تجربة عاصم ؟ هل تفكر فى بدء تطبيق خطة مثلها لإنقاص وزنك؟؟